Бейшеналиева Чинара Аалиевна 1968-жылы 19-ноябрда Чүй облусунун Кемин районундагы Ильич атындагы айылында төрөлгөн. 1986-жылы орто мектепти аяктаган соң Кыргыз Мамлекеттик университетинин география факультетине тапшырган. 1991-жылы окуу жайды ийгиликтүү аяктап география мугалими кесибине ээ болгон.
1991-жылы эмгек жолун мурунку Кант району азыркы Ысык-Ата районуна караштуу Чоң-Далы айылындагы Кубанычбек Маликов атындагы орто мектебинде башталгыч класстын мугалими болуп иштеп баштаган. 1993-жылдан баштап география мугалими болуп которулган. 2001-жылдан тартып окуу тарбия иштери боюнча директордун орун басары болуп иштеген.
2004-жылы Кубанычбек Маликов атындагы орто мектебинде директордун милдетин аткарып, 2005-жылы директор болуп дайындалган.
2009-жылы Кыргыз Республикасынын Билим берүү жана илим министрлигинин ардак грамотасы менен сыйланып, 2011-жылы Элге билим берүү отличниги наамын алган.
Үй-бүлөлүү, эки уул, бир кыздын энеси.